منتدي اسرة خليفة المهدي و الامراء

[الزائر الكريم :: حبابك عشرة]
نرحب بك في منتدي اسرة خليفة المهدي و الامراء

إذا كنت مسجل لدينا فنرجوا تسجيل الدخول

منتدي اسرة خليفة المهدي و الامراء


    مكتبة الشاعر خليل فرح

    شاطر
    avatar
    Admin
    Admin
    Admin

    ذكر عدد المساهمات : 163
    نقاط : 551
    السٌّمعَة : 1
    تاريخ التسجيل : 02/10/2010
    الموقع : www.omdurco.yoo7.com

    مكتبة الشاعر خليل فرح

    مُساهمة من طرف Admin في الثلاثاء أكتوبر 05, 2010 1:42 am

    [size=16]ولد خليل فرح بقرية دبروسة مركز حلفا وكان عام 1894م نشأ وترعرع فيها وكانت حلفا معبرا لدخول العلماء والمهندسين وجميع المهن المختلفه وكان يقف على مدخلها آنذاك خليل فرح يشاهد بعينى رأسه تلك الحشود الوافدة من المثقفين فنال من كل نبع قطرة وأخذ من الثقافات المختلفة التى كانت بمثابة الخميرة .

    هاجر خليل فرح إلى أمدرمان حيث أسرة أبيه فدخل كلية غردون التذكارية قسم البرادة الميكا***ية فوجد صفوة من الطليعة القادمين من الأقاليم الذين التحقوا بالكليات المختلفة فاختلط بهم وتعرف على ثقافاتهم فكانت له إضافات جديدة ثم واصل خليل إطلاعه فى الأدب الجاهلى ووعى إبداعات أدباء مصر أمثال طه حسين – العقاد – حسن أحمد الزيات وقرأ مجلاتهم وصحفهم وحفظ من عيون الشعر العربى الكثير ومما لفت نظره قصيدة عمر بن أبى ربيعه ( أعبدة ما ينسى ) التى لحنها وسجلها مع قصيدة (عزة فى هواك ) فى مصر فى أواخر أيامه بصوته فكان حدثا هام فى ذلك الوقت الذى كانت الأغانى فيه ممجوجة فأدخل اللحن المميز والموسيقى والمقدمة التى نسمعها الآن فى (عزة ) ولا أبالغ لو قلت أنها كانت قليلة فى تلك الفترة فترة الثلاثينيات حتى فى الدول العربية المجاورة.

    أشتهر خليل فرح داخل الكلية بعمل الشعر فعلم به شعراء أمدرمان مما حدا بحضور الشاعر محمد على عثمان بدرى إبن عمه وسلطان العاشقين يوسف حسب الله ومعهم المبتدىء (مركز ) ليختبرا خليل فرح فى هذا المجال.

    بدأ المبتدىء مركز والحكمان يراقبان الموقف بدأ ببيت شعر فرد عليه خليل فرح ثم كانت الثانية والثالثة والرابعة حتى أقتنع الحكمان فأوقفا المعركة واعترفا له بالشاعرية ومنحاه الشهادة بذلك . ومنذ ذلك الوقت سمى بشاعر الحديقة نسبة للميدان المنجل نمرة واحد الذى يقع فى الجزء الشرقى من الجامعة الى الآن . وصار خليل فرح يواصلهم ويجتمع بهم حتى استفاد منهم الكثير.

    توسع خليل فرح فى علاقاته مع الأدباء والشعراء وتمكن من ارتياد المنتديات ، كمنتدى أبر روف ومنتدى الهاشماب ومنتدى الموردة ثم منتدى (دارفور) لتخرج جل أناشيدة وأغانيه الوطنية منها تباعا ، وجاءت من ثم جمعية إتحاد الأدباء التى تكونت لجنتها من دار خليل فرح بالخرطوم . وفى بداية العشرينات اشتد ساعد المناضلين والتحم الشعب بهم وظهرت الأناشيد تغنى فى كل موقع. ثم كانت المظاهرات العنيفة ومن ثم جاءت جمعية اللواء الأبيض بكوادرها المدنية والعسكرية ومؤسسها وصانع إسمها الباشمهندس محى الدين جمال أبو سيف وصحبه.

    قامت ثورة 1924 م وخرجت الكلية الحربية بمظاهرة قوية ثم تبعها الثوار بقيادة المناضل الباشمهندس محمد سر الختم الملقب ( بالصائغ ) وهو من اولاد حلفا وهو أول ثائر يدخل السجن . طالبت الجماهير بوحدة وادى النيل وعلى رأسهم خليل فرح الذى تغنى وقال

    من تبينا قمـنــا ربينــا ** ما اتفاسلنا قط فى قليل
    دا ود عمى ودا ضريب دمى ** إنت شنو طفيلى دخيل

    وقد واجه خليل المستعمر والقصيدة طويلة : ((نحن ونحن الشرف البازخ)) وأردفها ماك غلطان دا هوى الأوطان ثم انفرط زمام الأمن وانزعج له المسؤولون فبثوا عيونهم بالجواسيس خلف خليل فرح

    عاش خليل فرح فترة وجيزة لا تزيد عن التسع عشرة سنة منذ تخرجه عام 1913 م من الكلية إلى وفاته فى 30/يونيو 1932 م عاش عيشة الكفاف لا يملك فى هذه الدنيا الا شبرا واحدا فقط فى مقابر أحمد شرفى ولكنه وجد الكثير من هذا الشعب الوفى وهو من الأوائل الذين كرموا حينما أقاموا له حفل تأبين بنادى الخريجين والمستعمر قابع بكل قوته وجبروته وعلى رأسهم إسماعيل الأزهرى ، وقد طبع ابن عمه الأستاذ / حسن عثمان بدرى كتيبا جمع فيه كل الكلمات والمقالات والأشعار التى قيلت فى تلك الليلة ، وما زال التكريم مستمرا . وقد جاء تكريم جامعة الخرطوم وطلبة جامعة القاهرة فى عهد الرئيس نميرى كرم بنيشان العلم الذهبى وأيضا مع ثوار 1924 م وقد كرم نفسه بنفسه حين قال

    من فتيح للخور للمغالق ** ومن علايل ابروف للمزالق
    قدلة يا مولاى حافى حالق ** فى الطريق الشاقى الترام

    وهذا يدل دلالة واضحة على حبه لأمدرمان فتغنى بها فى كثير من المواقع الشعرية ، وكان خليل فرح يعشق أماكن منتديات الأدب ولا يتحدث الا نادرا وكان صبورا وهو يعانى من مرض الدرن ولم يكن منزعجا وكان على يقين إن وفاته قريبة جدا وقال عن الجلد وعن الصبر:-

    جنّ ليلى وشاب رأسى فما
    كلت ركابى وهمتى للصعود
    أنا والدهر توأمان كما
    أشكو يشكو تجلدى وصمودى

    وخرج ديوان لخليل فرح بتحقيق البروفيسور على المك بعد جهد جهيد لعدم وجود مصادر فأخذنا الأشعار من أفواه الشعراء والحادبين لإخراج أدبه للوجود ورغم كل ذلك نحن ما زلنا نحاول جمع ما ضاع للطبعه القادمه ولا بد فى هذه العجاله أن اترحم على البروفيسور على المك والله يسكنه فسيح جناته فلولا مجهوداته لما رأى ديوان خليل فرح النور علما بأنه طبع بعد وفاة الشاعر بكثير ، كما أود أن اوضح هنا الأسباب التىدعتنى لكتابة السيرة الذاتية لخليل فرح وهى شعورى بأن معظم المعجبين يستفسرون عن كيفية نبوغه وبلاغته ومعرفته للفصاحه بهذه المقدرة وهو الآتى من شمال السودان ، من بلاد العجم ويقينى أنهم سوف يدركون المعنى بعد ما عرفوا مراحل حياته حيث دخل كلية غردون ثم اتصاله بشعراء أمدرمان وأدباء المنتديات والكم الهائل من السياسيين المتأدبين أمثال يوسف مصطفى التنى ومحمد أحمد محجوب وكل ذلك إضافة لا ختلاطه بالأدباء والعلماء ومكتشفى الآثار حينما كان متواجدا بالبوابة الشمالية بحلفا حين قدوم الوفود تباعا لداخل السودان من مصر..
    [/size]


    ----------------------------------------
    avatar
    Admin
    Admin
    Admin

    ذكر عدد المساهمات : 163
    نقاط : 551
    السٌّمعَة : 1
    تاريخ التسجيل : 02/10/2010
    الموقع : www.omdurco.yoo7.com

    رد: مكتبة الشاعر خليل فرح

    مُساهمة من طرف Admin في الثلاثاء أكتوبر 05, 2010 1:43 am


    بلي جسمي ـــ خليل فرح
    بلي جسمي وفتك جفاك ياحبيبي اما كفاك
    ايها الظبي في صفاك يااخا البدر في صفاك
    انا راضي بحكم فاك وانا باقي علي وفاك
    قولي بالله ماخفاك قول وعلّم عتاب فاك
    المعذب بنار هواك هو قلبي الذي اصطفاك
    شفّني شفّني هواك وكوي مهجتي نواك
    قولّي من ذا الذي غواك عن وصالي اذاًً سواك
    انت كالبدر في علاك وانت كالروض في حلاك
    انت كالطفل في ولاك وانت للعالمين هلاك



    ----------------------------------------
    avatar
    Admin
    Admin
    Admin

    ذكر عدد المساهمات : 163
    نقاط : 551
    السٌّمعَة : 1
    تاريخ التسجيل : 02/10/2010
    الموقع : www.omdurco.yoo7.com

    رد: مكتبة الشاعر خليل فرح

    مُساهمة من طرف Admin في الثلاثاء أكتوبر 05, 2010 1:44 am


    ميل واعرض ــــ خليل فرح
    مـيـل و اعـرض كـتِّر امراضي بِـي هـواكم والـهوان راضي
    جُـنَّ لـيلي و هـاجت اعـراضي سَـحَّ دمعي و طاشت اغراضي
    هـذا بعـض الـبَيْ عـدا امراضي وانت داري وراضي ماك راضي
    بـالـي جـسمي ومن زمان قاضي هـاهو حُـبّك بـين انـقاضي
    هـدِّي روعـك اوعـي لا تقـاضي مـا بشارعك مـابكوس قاضي
    المـضـلِّـل رُشــدي يـاهـادي والمـكـتِّر في الغضي سهادي
    الجـبـيـن الـفـي الظـلام هادي والقـوام السـيدو متـهـادي
    يا حـبـيـبي فـيـم تـهـديـدك كـل عذابي و هجري ما بفيدك
    روحي في ايدك ضاعت وحات ريدك كـيف ضـاعت يـاسلام ايدك


    ----------------------------------------
    avatar
    Admin
    Admin
    Admin

    ذكر عدد المساهمات : 163
    نقاط : 551
    السٌّمعَة : 1
    تاريخ التسجيل : 02/10/2010
    الموقع : www.omdurco.yoo7.com

    رد: مكتبة الشاعر خليل فرح

    مُساهمة من طرف Admin في الثلاثاء أكتوبر 05, 2010 1:45 am

    خــمريــات ـــــ خليل فرح

    امسينا بالله الكريم .. واتحصنّا من جور كُل ريم
    كدا صُبِّي يا جدية الصريم .. واسقينا قُبّال الغريم
    انا في بساتين الزهور.. بين الترايب والنحور
    اشرب معتقة الدهور ..وندماي عصافير السحور
    اطربني بالصوت الجهور.. ياشادي من كل البحور
    قول للغريب يكفيك شهور.. وطنك جنان والفيه حور
    انا بين نديم والعود غن .. وقلوبنا خالية من الضغن
    وكؤوس صببناها ورغن .. بر ايها الشادي الاغن
    حين غني دورو الليل هدن .. وين انت من جنة عدن
    وين انت ياخالد حسن .. هاجرنا هجران الوسن
    مجلسنا مافاقد حسن .. غيرك نحول ليه الرسن
    غنينا ياباهي الدلال .. واسمعنا ياحاوي الجمال
    اسمعنا يا حاوي الجمال .. دللنا في سوقك حلال
    يامقرن النيلين سلام .. باشرنا قبال الملام
    مابشيقنا من غيرك كلام .. قول لينا وين بحرك دلام
    حيينا حياك الغمام .. الليلة نور بدرك تمام
    اسمعنا من هدل الحمام .. خلينا نتمايل ثمام
    قول نحنا في حوض الجنان .. المولي يرخيلنا العنان
    رعيا لمخضوب البنان .. خلاني دن بين الدنان
    ناولتو كاس قال لي عجب .. مازحتو مال عني احتجب
    دابروني ياناس ايش عجب .. ود الدروع صايم رجب
    انت منظر يفرح رؤاك..وقلنا ديما الخير في خطاك
    بنشقي نحنا وطالبين ..رضاك تمسي بالخير ويسعد مساك


    ----------------------------------------
    avatar
    Admin
    Admin
    Admin

    ذكر عدد المساهمات : 163
    نقاط : 551
    السٌّمعَة : 1
    تاريخ التسجيل : 02/10/2010
    الموقع : www.omdurco.yoo7.com

    رد: مكتبة الشاعر خليل فرح

    مُساهمة من طرف Admin في الثلاثاء أكتوبر 05, 2010 1:46 am

    خيـــل الضــل خليل فرح
    لم خيل الضل علي الاريل
    في مشارعو الصيد ورد قيل
    القنيص حين شافن يتخيل
    جري دمعو ودمو ساح سيل
    انتفض قلبو وخفق ميل
    فوق جروح الليل برك شيل
    حفلن قلنا السما تجلي
    والنجم بتضاري في الحلة
    الجناين تلدي كل حلة
    فيها وردة ونرجسة وفلة
    فيهن السلسال شفا الغلة
    فيهن العلة ودوا العلة
    كلهن متبلمات الا
    من لحاظن ارحم الجلة
    الجمال اتجلي في شفوفن
    هو اللي شايل الحنة في كفوفن
    جلسن والبهرة في سفوفن
    الحرير الاصلي في رفوفن
    الكنار صاح والغصون مالت
    والرياح صنت عقب شالت
    العقود فوق الصدور جالت
    والعيون زي السيوف صالت


    ----------------------------------------
    avatar
    Admin
    Admin
    Admin

    ذكر عدد المساهمات : 163
    نقاط : 551
    السٌّمعَة : 1
    تاريخ التسجيل : 02/10/2010
    الموقع : www.omdurco.yoo7.com

    رد: مكتبة الشاعر خليل فرح

    مُساهمة من طرف Admin في الثلاثاء أكتوبر 05, 2010 1:47 am

    عزة في هواك

    عزة في هواك عزة نحن الجبال

    وللبخوض صفاك عزة نحن النبال

    عزة ما بنوم الليل محــــال

    وبحسب النجوم فوق الرحال

    خلقة الزاد كمل وأنا حالي حال

    متين أعود أشوف ظبياتنا الكحال

    عزة ما سليت وطن الجمــال

    ولا أبتغيت بديل غير الكمــال



    ***



    وقلبي لي سواك ما شفتو مال

    خذيني باليمين وانا راقد شمال

    عزة ما نسيت جنــة بلال

    وملعب الشباب تحت الظلال

    ونحن كالزهور فوق التلال

    نتشابي للنجوم وانا ضافر الهلال

    عزة جسمي صار زي الخلال

    وحظي في الركاب صابه الكلال

    وقلبي لسه ما عرف الملال

    أظنه ود قبيل وكريم الخلال

    عزة ما أشتهيت نوم الحجال

    ولا السوار بكي في يمينا جال

    وعزة في الفريق لي ضيق مجال

    قبيلة بت قبيل ملأ الكون رجال



    ***

    عزة شفت كيف نهض العيال

    جددوا القديم تركوا الخيال

    روحك أم سماح سري كالسيال

    شجوا الفؤاد حيوا محسور الليال

    عزة في الفؤاد سحرك حلال

    ونار هواك شفا وتيهك دلال

    ودمعي في هواك حلو كالزلال

    تزيدى كل يوم عظمة ازداد جلال

    ***

    عزة في حذا الخرطوم قبال

    وعزة من جنان شمبات حبال

    وعزة لي ربوع ام در جبال

    وعزة في الفؤاد دوا يشفي الوبال


    ----------------------------------------
    avatar
    Admin
    Admin
    Admin

    ذكر عدد المساهمات : 163
    نقاط : 551
    السٌّمعَة : 1
    تاريخ التسجيل : 02/10/2010
    الموقع : www.omdurco.yoo7.com

    رد: مكتبة الشاعر خليل فرح

    مُساهمة من طرف Admin في الثلاثاء أكتوبر 05, 2010 1:48 am

    ما له اعياه النضال بدني

    روحي ليه مشتهيه ود مدني

    ليت حظي سمح واسعدني

    طوفه فد يوم بي ربوع مدني

    كنت أزوره ابويا ود مدني

    واشكي ليه الحضري والمدني

    آه علي حشاشتي ودجني

    وحنيني ولوعتي وشجنى

    دار ابويا ومتعتي وعجني

    يا سعادتي وثروتي ومجني

    حين سألنا حاوي الوصب

    من خمايل قرية القصب

    قالوا جات سيرتك علي النصب

    ونحن بين الروضة والقصب

    صنفه بعرها قالن إن تصب

    تربط الأحلام مع الخصب

    كان حبيبنا وحاشا ما نصبي

    ومن زمان فارقنا وهو صبي

    تاني ما سمعنا انقطع خبره

    يا حليلم طشوا ما اتخبروا

    واحدة فيهن قالت انجبروا

    فقر ابونا

    وخدمة النبرو

    الكنانة أكرمت نزلي

    واغدقت من خيره كل زلي

    إن حييت أو مت في الازل

    ده مقدر طبعه في الازل

    غايته بختم نفثتي الخطرت

    بي تحية من حشاي شطرت

    للتدور والطايره والما طارت

    وسلاما ما الغصون خطرت


    ----------------------------------------
    avatar
    Admin
    Admin
    Admin

    ذكر عدد المساهمات : 163
    نقاط : 551
    السٌّمعَة : 1
    تاريخ التسجيل : 02/10/2010
    الموقع : www.omdurco.yoo7.com

    رد: مكتبة الشاعر خليل فرح

    مُساهمة من طرف Admin في الثلاثاء أكتوبر 05, 2010 1:49 am

    تم دور وادور

    عم نوره شال

    فات الحله نور

    زي بدر التمام

    ***

    واحدين قالوا نور

    واحدين قالوا دوب

    مروي ما بتنور

    زي بدر التمام

    ***

    مين يقوم يتهور

    يبري القيف هناك

    تحته الدابي كور

    زي بدر التمام

    ***

    قالوا الكون اتطور

    لا عاشق عفيف

    لا جميل إتصور

    زي بدر التمام

    ***

    الحسود يتضور

    ناره ماكله لسانه

    كله زور ومزور

    زي بدر التمام

    ***

    الطريق الحور

    دمي ما بروح

    سيدة ليش يتجور

    زي بدر التمام

    **

    هز شوقي وتور

    يا نديم إزاي

    جرحي المخفي غور

    زي بدر التمام

    ***

    يا قليب إتجبر

    قوم وريني كيف

    الكرام تتصبر

    زي بدر التمام

    ***

    نحن ما بنتعبر

    النفوس أن حبت

    تستحى وتتكبر

    زي بدر التمام

    ***

    ما خبير أتخبر

    في الزمان الفات

    والجديد إدبر

    زي بدر التمام

    ***

    أوعي لا تتشبر

    هل رأيت لك عاشق

    بالغرام يتنبر

    زي بدر التمام

    ***

    نحن ما بنطفر

    ما بنهاب سفيه

    إلا ما بنتزفر

    زي بدر التمام

    **

    قولوا لي البتنفر

    ما شالن قناع

    المعاك تتوفر

    زي بدر التمام

    **

    يا زميل إتشطر

    شن بتشوف حداك

    إلا حور مبطر

    زي بدر التمام

    **

    يبقي يومنا مطر

    ماله الكون دهين

    والفريق معطر

    زي بدر التمام

    ***

    النحر مغمر

    والسباته حارة

    والمجال مضمر

    زي بدر التمام

    **

    الشعر مخمر

    يرشح كله ند

    عردب المجمر

    زي بدر التمام

    **

    قام محمد بشر

    هز فوق تيجانن

    سل سيفه وكشر

    زي بدر التمام

    ***

    قول معاي وإتفشر

    نحن سياج عروضن

    نحن يوم المحشر

    زي بدر التمام

    ***

    يا حسن اتذكر

    طيب ليلتنا ديك

    والصباح السكر

    زي بدر التمام

    ***

    المدام ما اتنكر

    لا من ديكنا صاح

    فوق رؤوسنا اتحكر

    زي بدر التمام

    **

    كل شىء مفسر

    ما في شىء غريب

    والعسير ميسر

    زي بدر التمام

    **

    ما في عين تتحسر

    دام عريسنا دام

    والحسود إتحسر

    زي بدر التمام


    ----------------------------------------
    avatar
    Admin
    Admin
    Admin

    ذكر عدد المساهمات : 163
    نقاط : 551
    السٌّمعَة : 1
    تاريخ التسجيل : 02/10/2010
    الموقع : www.omdurco.yoo7.com

    رد: مكتبة الشاعر خليل فرح

    مُساهمة من طرف Admin في الثلاثاء أكتوبر 05, 2010 1:49 am

    زاهى فرعك

    زاهى فرعك نما وسما

    تشبهى الضو فى السما

    الخدود نارها مضرمة

    فى حشاى واضعة مفرمة

    بي هلاكنا أنت مغرمة

    طرفك الساهى كم رمى

    سمحة قامتك على التما

    فاهك البسمة خاتما

    للبدور خدك إنتمى

    فى العيون شلخك احتمى

    يالقلب تقسما

    وحبيب تبسما

    بدر تم وقد سما

    اه ما أبعد السما

    يا نسيم أمشى سالما

    بى لطيف شيشا حلما

    بالعلى أ[قى كلما

    وهاك رويحتى سلما

    مجلس الأنس ضمنا

    نحنا والكانو يمنا

    والسرور كله عمنا

    مافى هم لا همنا

    مافى جاهل بذمنا

    يا شقاوة البشمنا

    العيون هادرة دمنا

    أصله ما بيبرأ سمنا

    وقفت بانة النقا

    ديسا طاويها فالقا

    النظر راح يسارقا

    صد قال فوق خالقا

    الحرير ماله خانقا

    والحجيل يمشى زانقا

    صيدة روايها ما اتلقى

    كل شىء فيها قالقا

    جلست شوف تأملا

    وقفت ضجت الملا

    صاح شاديها وإتملى

    متنا ما سمعنا ململة

    شوف وريدا وسوالفها

    شوف صديرا المزالفا

    شوف ضميرا الموالفا

    من كفيلا المخالفا

    ليلة فى غاية الصفا

    حفلة معدومة الصفة

    يا نديم عقب أوصفا

    وأقطف أزهارها صفصفا

    غصن بان إذا مشى

    واذا مال واختشى

    فضح الغصن والرشا

    لك يا غصن مافشى

    لك يا ريم ما تشا

    لك فى داخل الحشا

    روضة طيبة وشى

    الحسان تمشى قادمة

    يضوى العتمة كالدما

    يا عيومى تهدما من

    صياح أزرفا دما

    كوكب السعد إنتمى

    لك يا صاحب النما

    فسلام عليك ما

    لبس الروض نمنما

    العيون ناعسة صاحية

    والخدود يقطرن حيا

    البصيبن ما حيا

    ما بتزيل عطشته الحيا

    إنت يابر يا سلام

    للجميع أكتب السلام

    وأحفظهم فى صلا وسلام


    ----------------------------------------
    avatar
    Admin
    Admin
    Admin

    ذكر عدد المساهمات : 163
    نقاط : 551
    السٌّمعَة : 1
    تاريخ التسجيل : 02/10/2010
    الموقع : www.omdurco.yoo7.com

    رد: مكتبة الشاعر خليل فرح

    مُساهمة من طرف Admin في الثلاثاء أكتوبر 05, 2010 1:50 am

    في الضواحى وطرف المداين

    يلا ننظر شفق الصباح

    قوموا خلو الضيق في الجناين

    شوفوا عز الصيد في العساين

    يله نقنص نطرد نعاين

    النهار أن حر الكماين

    كلبي يا جمجوم أصله خاين

    شوفوا كيفن يبرأ الملاين

    هب شال وكشح المراح

    للقنيص الخيل خف راسن

    نحن ما بنخاف من مراسن

    المكارم غرقنا ساسن والمجاهل

    مين غيرنا ساسن

    ان عطشنا نمز مر وآسن

    وأن عشقنا بنعشق محاسن

    فى المحاسن كفي يومنا راح

    في الخميلة انجلت المحاسن

    عيني حايرة ومشي قلبي جاسن

    بعض حسنك هي يا محاسن

    الحرير حين قدميك داسن

    والزهور حين شفتيك باسن

    والغصون من لدنك مياسن

    والنسيم فاح بكر الملاح

    يا الطبيعه الواديك ساكن

    ما في مثلك قط في الأماكن



    يا جمال النال في ثراكن

    ياحلاة البرعن أراكن

    في قفاهن تور قرنه ماكن

    لا غشن لا شافن مساكن

    في الخزام والشيخ والبراح

    شوف صباح الوادي وجماله

    وشوف خضاره وصيده ورماله

    شوف يمينه وعاين شماله

    شوف نسيم الليل صاحي ماله

    شوف فريع الشاو مين أماله

    القمر خجلان من كماله

    والصباح لا بهل الوشاح

    يا أم لسانا لسع معجن

    كلمة كلمة وحروفه ضجن

    ديل خدودك غير داعي وجن

    ديل عيونك من غير سبه لجن

    ديل دموعك من نظرة شجن

    ده دلال ايه ده دلال معجن

    محن الامات يا رداح

    ماك نسيم الليل بي برودك

    نامت الازهار فوق خدودك

    غرد العصفور فوق عودك

    النفوس ما اتعدت حدودك

    ما عرفنا عدوك من ودودك

    بس أنا المقسوم لي صدودك

    يا حياتي وأملي اللي راح


    ----------------------------------------
    avatar
    Admin
    Admin
    Admin

    ذكر عدد المساهمات : 163
    نقاط : 551
    السٌّمعَة : 1
    تاريخ التسجيل : 02/10/2010
    الموقع : www.omdurco.yoo7.com

    رد: مكتبة الشاعر خليل فرح

    مُساهمة من طرف Admin في الثلاثاء أكتوبر 05, 2010 1:51 am

    نحن ونحن الشرف الباذخ

    دابي الكر شباب النيل

    قوم وم كفاك يا نايم

    شوف شوف حداك يا لايم

    مجدك ولي وشرفك ضل

    إمتي تزيد زيادة النيل

    نحن نطارد العنزة الفاردة

    نحن نزود مشارع النيل

    نحن برانا نحمي حمانا

    نحن نموت ويحيا النيل

    ما بنندس ما بنتوصي

    نحن نكيل برانا نشيل

    نحن الطينة ومطر العينة

    نحن الوادي برقه يشيل

    نحن الصولة سيوف الدولة

    نحن كنانة اسماعيل

    بابه العالي وشرفه الغالي

    كان لجدودنا ظله ظليل

    يا حكامنا جيبوا البينه

    ولا انقرعوا كفوا الشينه

    ده ود عمي وده ضريب دمي

    انت شنو طفيلي دخيل

    يا نزلانا أمرقوا الذمة

    كيف ينطاق هوان الأمة

    شالوا حقوقنا وزردوا حلقونا

    ديل عاوزين دمانا تسيل

    من تبينا قمنا ربينا

    ما اتفاسلنا قط في قليل

    ما فيش تاني مصري سوداني

    نحن الكل ولاد النيل


    ----------------------------------------
    avatar
    Admin
    Admin
    Admin

    ذكر عدد المساهمات : 163
    نقاط : 551
    السٌّمعَة : 1
    تاريخ التسجيل : 02/10/2010
    الموقع : www.omdurco.yoo7.com

    رد: مكتبة الشاعر خليل فرح

    مُساهمة من طرف Admin في الثلاثاء أكتوبر 05, 2010 1:52 am

    أذكر بقعة أم درمان

    وأنشر في ربوعها أمان

    ذكر يا شبابي زمان

    دارنا ودار أبونا زمان

    فيها رفات جدودنا كمان

    ما بنساك خلقه ضمان

    جنة وحور حماك أمان

    ذكر يا شبابي زمان

    بطرا الأسسوك زمان

    كانوا يحلحلوا الغرمان

    يساهروا يتفقدوا الصرمان

    ذكر يا شبابي زمان

    في السودان فتيح معروف

    ولسه أب عنجه خوره سروف

    ود نوباوي زول معروف

    باقى وديك مشارع أبروف

    ذكر يا شبابي زمان

    كانوا جبال تقال ومكان

    نزلوا اتربعوا الأركان

    خلوا البقعة كل مكان

    آهلة وزارة بالسكان

    ذكر يا شبابي زمان

    ليه يا كعبة العربان

    غاضبة وفين عريسك بان

    قبال نسأل الركبان

    حبك من حسودك بان

    ذكر يا شبابي زمان


    ----------------------------------------
    avatar
    Admin
    Admin
    Admin

    ذكر عدد المساهمات : 163
    نقاط : 551
    السٌّمعَة : 1
    تاريخ التسجيل : 02/10/2010
    الموقع : www.omdurco.yoo7.com

    رد: مكتبة الشاعر خليل فرح

    مُساهمة من طرف Admin في الثلاثاء أكتوبر 05, 2010 1:58 am

    بين جناين الشاطىء وبين قصور الروم

    حي زهرة روما وأبكي يا مغروم

    دره سالبه عقولنا لبسوها طقوم

    ملكة باسطة قلوبنا تبين عليها تقوم

    في الطريق ان مرت بالخلوق مزحوم

    كالهلال الهل الناس عليها تحوم

    شوف عناقد ديسها تقول عنب في كروم

    شوف وريدا الماثل زي زجاجة روم

    القوام اللادن والحشا المبروم

    والصدير الطامح زي خليج الروم

    خلي جات متبوعة الصافية كالدينار

    في القوام مربوعة شوفا عالية منار

    موضة آخر موضة هيفا غير زنار

    روضة داخل روضة غني فيها كنار

    شوف جبينا الهل ضو فوقه فنار

    منه هل الشارع منه بق ونار

    طالعة ما بتقابل زي لهيب النار

    تحرق البتهابل والبعيد في نار


    ----------------------------------------
    avatar
    Admin
    Admin
    Admin

    ذكر عدد المساهمات : 163
    نقاط : 551
    السٌّمعَة : 1
    تاريخ التسجيل : 02/10/2010
    الموقع : www.omdurco.yoo7.com

    رد: مكتبة الشاعر خليل فرح

    مُساهمة من طرف Admin في الثلاثاء أكتوبر 05, 2010 1:58 am

    ماهو عارف قدمه المفارق

    يا محط آمالي السلام

    في سموم الصيف لاح له بارق

    لم يزل يرتاد المشارق

    كان مع الأحباب نجمه شارق

    ماله والأفلاك في الظلام

    يا دهر أهوالك تسارق

    منها كم كم شابت مفارق

    ما علينا الفات كله فارق

    رقنا وله نعيد الملام

    من حطامك أنا غصني وارق

    في شن أبقيت للطوارق

    غير قليبا في همومه غارق

    ولسانا برده الكلام

    ويح قلبي الما انفك خافق

    فارق ام درمان باكي شافق

    يا أم قبايل ما فيك منافق

    سقي أرضك صوب الغمام

    يا بلادي كم فيك حاذق

    غير الهك ما أم رازق

    من شعاره دخول المأزق

    يتفاني وشرفك تمام

    مسرح الغزلان في الحدايق

    والشوارع الغر والمضايق

    قول لي كيف أمسيت دمت رايق

    دام بهاك مشمول بالنظان

    مجلس اللذات في النمارق

    والترف لا زال وصفه خارق

    ضاري حسك فاح جانا مارق

    وله قاطعو الريح ما هو لام

    في يمين النيل حيث سابق

    كنا فوق أعراف السوابق

    الضريح الفاح طيبه عابق

    السلام يا المهدي الامام

    أين مني الودعته شاهق

    باكي ناهد لسه مراهق

    عيني ما بتشوف الا شاهق

    أين وجه البدر التمام

    أين مني الفي زهوه باسق

    في شبابه نقي من مفاسق

    بين ثيابه البيض المناسق

    حولك اشبه رتل الحمام

    يا بريد الجو فوقي حالق

    ميل علي الروح ليها خالق

    عدت سالم قول وأنت عالق

    مقرن النيلين كيلو كام

    الحبايب لفتوا الخلايق

    بيني وبينهم قطعوا العلايق

    ان دلال ان تيه كله لا يق

    نحن ما مجينا الخصام

    يا جميل يا نور الشقايق

    أملأ كأسك واصبر دقايق

    مجلسك مفهوم شوفه رايق

    عقده ناقص زول ولا تام

    من فتيح للخور للمغالق

    من علايل ابروف للمزالق

    قدله يا مولاي خافي حالق

    بالطريق الشاقه الترام

    ما يئسنا الخير عوده سايق

    الحي يعود ان أتي دونه عايق

    الي يوم اللقا وانت رايق

    السلام يا وطني السلام


    ----------------------------------------

      الوقت/التاريخ الآن هو الأحد ديسمبر 10, 2017 8:50 pm